ბათუმის მერიასა და შპს “სანდასუფთავებას” შორის, 2024 წლის 27 დეკემბერს გაფორმებული ხელშეკრულების თანახმად, კონტრაქტორს ქალაქიდან 2 000 კუბ.მ. თოვლის გატანის ვალდებულება აქვს, რომელსაც არ ასრულებს.
როგორც წესი, შპს “სანდასუფთავება” საქმიანობის ამსახველ ფოტოებს სოციალურ ქსელში აქტიურად ტვირთავს, თუმცა თოვლის გატანის დამადასტურებელი კადრები ჯერ არ გამოუქვეყნებია. ორგანიზაციაში გვითხრეს, რომ ჩვენს კითხვებზე პასუხი ჯერჯერობით არ აქვთ.
ხელშეკრულებით ნაკისრი ვალდებულების შეუსრულებლობის გამო, ქალაქში ვითარება ასეთია: ტროტუარებსა და გზის განაპირა ნაწილზე თოვლის უზარმაზარი გორაკებია. მოქალაქეები სოციალურ ქსელში წერენ, რომ გაწმენდისას ზოგიერთ მათგანს შესასვლელი და/ან დაპარკინგებული ტრანსპორტი ჩაუკეტეს.
ცნობისთვის: საავტომობილო გზასა და ტროტუარზე დაგროვებული თოვლის გატანისთვის, ბათუმის ბიუჯეტიდან 26 000 ლარია გათვალისწინებული.
ინფორმაციისთვის: თოვლის დროს, სამი დღის განმავლობაში ბათუმში საავტომობილო გზები და ტროტუარები არ იწმინდებოდა. არ მუშაობდა მუნიციპალური ტრანსპორტი. საბავშვო ბაღებსა და სკოლებში კი პროცესი დღემდე არ აღდგენილა.
“ქართული ოცნების” დეპუტატების მტკიცებით ბათუმის მერი თოვლისგან გამოწვეულ პრობლემებს ეფექტურად გაუმკლავდა – ვრცლად ამ თემაზე წაიკითხავთ ბმულზე ⇓
გარემოება: რთული ვითარებაა აჭარის სოფლებთან დამაკავშირებელ გზებზე. ხალხი სოციალურ ქსელში წერს, რომ თოვლიდან ერთი კვირის შემდეგაც გზები არ გაწმენდილა, არ მუშაობს მუნიციპალური ტრანსპორტი. სოფლების უმეტეს ნაწილს არ მიეწოდება ელექტროენერგია და ბუნებრივი აირი.
აქვე დაგაინტერესებთ: ენმ შუქისა და ბუნებრივი აირის სუბსიდირების ინიციატივით გამოდის
ენმ შუქისა და ბუნებრივი აირის სუბსიდირების ინიციატივით გამოდის
