ბათუმში, საქართველო-პორტუგალიის მატჩის ღია ჩვენებაზე დამსწრე პირებს მუნიციპალური ავტობუსები გახანგრძლივებული დროით მოემსახურება, ამის შესახებ მუნიციპალური ტრანსპორტის კომპანია იტყობინება.
საქართველოს ნაკრების თამაშის ყურება ბათუმის სტადიონთან და ანბანის კოშკთან იქნება შესაძლებელი. მატჩის შემდეგ, გულშემატკივრების გადაადგილების მიზნით, მუნიციპალური ავტობუსები შემდეგ სამარშრუტო ხაზებზე: #1, #1ა, #2, #3, #4, #7, #8, #9, #10, #11, #12, #13, #16 27 ივნისის 02:00 საათამდე იმოძრავებენ.
ინფორმაციისთვის: დღეს, საქართველოს საფეხბუთო ნაკრები ევროპის ჩემპიონატის ჯგუფური ეტაპის დასკვნით მატჩში პორტუგალიის ნაკრებს შეხვდება. მატჩი თბილისის დროით 23:00 საათზე დაიწყება.
