ბათუმში, 25 ივლისიდან 1 აგვისტოს ჩათვლით, საერთაშორისო საჭადრაკო ფესტივალი „ბათუმი-2024“ გაიმართება. ღონისძიება აჭარის ჭადრაკის ფედერაციის ორგანიზებით, მუხრან ვახტანგაძის სახელობის ბათუმის სპორტის სასახლეში ჩატარდება.
ფესტივალში მონაწილეობას 8, 10, 12 და 20 წლამდე ახალგაზრდები შეძლებენ.
„ბათუმი-2024-ის“ ყოველი ასაკობრივი კატეგორია ფიდეს წესებით, შვეიცარიული ან წრიული სისტემით, გაიმართება. 20 წლამდე ახალგაზრდებში დაითვლება ფიდე-ს რეიტინგი.
საერთაშორისო საჭადრაკო ფესტივალზე რეგისტრაცია უკვე დაწყებულია და ის 23 ივლისის 19:00-მდე გაგრძელდება.
ავტორი: დიმიტრი გორგილაძე [სტაჟიორი]
