„აჭარა თაიმსის“ ინფორმაციით, ხელვაჩაურში, სპეცოპერაციისას ერთი ადამიანი დაიჭრა. ადგილობრივთა თქმით, სამი პირის დაკავებისას, შემთხვევით გასროლისას ერთ-ერთი დაკავებულის დედა, ფეხის არეში დაიჭრა.
დაჭრილი 75 წლის ქალი, სამედიცინო დაწესებულებაშია გადაყვანილი. ამ ეტაპზე, ჩვენთვის უცნობია პაციენტის ჯანმრთელობის მდგომარეობა. დაკავებულთა შორის არიან ის პირები, რომლებიც რამდენიმე დღის წინ, „აჭარა თაიმსთან“ მოსალოდნელ საფრთხეებზე საუბრობდნენ.
ადგილობრივები ხელვაჩაურის პოლიციის შენობასთან გამართული აქციის დროს ამბობდნენ, რომ პოლიციელები გამოგონილი ბრალდებითა და ნარკოტიკული საშუალების ჩადების შედეგად უდანაშაულო ადამიანებს აკავებენ.
⇔ ხელვაჩაურის პოლიციის შენობასთან ადგილობრივებმა საპროტესტო აქცია გამართეს
ცნობისთვის, ცოტა ხნის წინ, შსს-მ განაცხადა, რომ აჭარაში მასშტაბური სპეცოპერაცია მიმდინარეობს. სანქცირებული ტელევიზიების ინფორმაციით, სპეცოპერაციაში ასეულობით უსაფრთხოების და შსს-ს თანამშრომელი მონაწილეობს.
ხელვაჩაურში მოქალაქე პოლიციას ზეწოლასა და იძულებით აღიარების მოთხოვნაში ადანაშაულებს
