ბათუმში, 377 შენობის ექსპლუატაციაში მიღებას ითხოვენ, ამის შესახებ მუნიციპალურ ინსპექცია იტყობინება. უწყების ცნობით, რეგისტრირებული განცხადებებიდან კანონით განსაზღვრული ნორმები მხოლოდ 90-მა ობიექტმა დააკმაყოფილა.
გავრცელებულ ინფორმაციაში ასევე, წერია, რომ მიმდინარე წელს ექსპლუატაციის განყოფილებაში შენობა-ნაგებობის მიღების მოთხოვნით 10 განაცხადი შევიდა, საიდანაც 6 ობიექტზე უარის ბრძანება გამოიცა, 2-ზე კი ამ დრომდე მიმდინარეობს განხილვა.
ინფორმაციისთვის: გასულ წელს, სანებართვო პირობების დარღვევით წარმოებული მშენებლობის ექსპლუატაციაში მიღებასთან დაკავშირებით ამინისტია გამოცხადდა. დროებითი წესი საქართველოს პარლამენტმა 2 წლის ვადით დაამტკიცა. სამშენებლო ამნისტიის კანონის ავტორები აჭარის მაჟორიტარი დეპუტატიები არიან.
კანონის თანახმად, ექსპლუატაციაში მიღება ეხება, კოეფიციენტის დარღვევით აშენებულ ინდივიდუალურ საცხოვრებელ სახლებსა და მრავალფუნქციურ ობიექტებს, რომელთა მშენებლობა 2022 წლის 26 სექტემბრამდეა დასრულებული.
აქვე დაგაინტერესებთ: კონცელიძეების სამშენებლო ბიზნესი ბათუმში და საეჭვო კორუფციული სქემა
