18 მაისს, შუახევის სპორტულ ცენტრში ტრადიციული ქართული ჭიდაობის ტურნირი – „დიდაჭარობის თასი“ გაიმართა.
შეჯიბრებაში მონაწილეობა 2008-2010 წლებში დაბადებულმა 45 სპორტსმენმა მიიღო, რომლებიც აჭარის სხვადასხვა მუნიციპალიტეტს წარმოადგენდნენ. ბრძოლები რვა წონით კატეგორიაში წარიმართა.
ტურნირი განსაკუთრებული ინტერესითა და სპორტული ჟინით გამოირჩეოდა. ახალგაზრდებმა თავი მაღალი დონის ფიზიკური მომზადებითა და ტაქტიკური ჭიდაობით გამოიჩინეს. საბოლოოდ, გუნდურ ჩათვლაში გამარჯვება შუახევის ნაკრებს ერგო, რომელიც ტურნირზე ყველაზე შედეგიანი აღმოჩნდა.
ინდივიდუალურ დაპირისპირებებში 45 კილოგრამ წონით კატეგორიაში პირველი ადგილი ქობულეთელმა გოჩა კახაძემ მოიპოვა. მეორე ადგილზე გავიდა ხვიჩა კახაძე, ხოლო მესამე ადგილი დენის სობოლევს ხვდა წილად.
50 კილოგრამში გამარჯვებული გახდა შუახეველი ლუკა ბოლქვაძე, მეორე ადგილზე საბა ებრალიძე გავიდა, მესამე კი ნიკა ტაკიძე გახდა.
55 კილოგრამში პირველობა ქობულეთელმა ნიკა ბიბინიძემ მოიპოვა, მეორე ადგილი ბათუმელმა დათო ბასმანოვმა დაიკავა, ხოლო მესამე – ლუკა სურმანიძემ.
60 კილოგრამში საუკეთესოდ გიორგი ტაკიძე (შუახევი) დასახელდა, მეორე ადგილი ლერი შაინიძემ (ქობულეთი), ხოლო მესამე – აჩიკო სუხიტაშვილმა (ბათუმი) მოიპოვეს.
66 კილოგრამში ტურნირის გამარჯვებული ანრი თავდგირიძე (შუახევი) გახდა, მეორე ადგილზე გაბრიელ ქაჯაია (ბათუმი), ხოლო მესამე ადგილზე საბა შავაძე (ქობულეთი) გავიდნენ.
73 კილოგრამ წონით კატეგორიაში საუკეთესო გახდა ზურა ბერიძე (ქობულეთი), მას მოჰყვა ლუკა თავართქილაძე (ხულო) და ზაზა ბერიძე (შუახევი).
81 კილოგრამში პირველობა ლუკა ფუტკარაძემ (შუახევი) მოიპოვა, მეორე ადგილს რევაზ გოგიტიძე (ქედა), ხოლო მესამეს იბრაჰიმ ანანიძე (ხულო) დაეუფლნენ.
81 კილოგრამზე მაღალი წონის (+81 კგ) კატეგორიაში პირველი ადგილი ნიკა ბერიძეს (შუახევი) ერგო, მეორე ადგილზე ლუკა ბაკურიძე (შუახევი), ხოლო მესამე ადგილზე ბექა კვირიკაძე (ქედა) გავიდნენ.
ტურნირი „დიდაჭარობის“ დღესასწაულის ფარგლებში ჩატარდა და მიზნად ისახავდა ახალგაზრდებში სპორტის პოპულარიზაციასა და ქართული ჭიდაობის ტრადიციების შენარჩუნებას.
ღონისძიება აჩვენებს, რომ აჭარაში სპორტულ ტალანტებს მყარად უჭირავთ ადგილი და მათ განვითარებას ასეთი შეჯიბრებები ეფექტურად უწყობს ხელს.
ავტორი: დიმიტრი გორგილაძე
