„საკალათბურთო კლუბმა ბათუმმა“ სუპერლიგის მეოთხედფინალის მესამე შეხვედრა მოიგო. „ბათუმელებმა“ „ივერიონი“ ანგარიშით 110:87 დაამარცხეს და ფლეი-ოფის სერიაში ლიდერობა დაიბრუნეს – 2:1.
მატჩის საუკეთესო მოთამაშედ „ბათუმის“ კალათბურთელი გიორგი ოჩხიკიძე დასახელდა. მის ანგარიშზეა 34 ქულა, 6 მოხსნა, 7 პასი და ეფექტურობის კოეფიციენტი (EFF) – 41.
„ივერიონისა“ და „სკ ბათუმის“ ფლეი-ოფის სერიის მეოთხე მატჩი 1 მაისს გაიმართება.
ავტორი: დიმიტრი გორგილაძე
