საქართველოს საკონსტიტუციო სასამართლოში განმწესრიგებელი სხდომა დასრულდა. პლენუმი სათათბიროდ გავიდა. რუსული კანონის შეჩერებასა და გაუქმებასთან დაკავშირებულ სარჩელებს სასამართლო სამი დღის განმავლობაში განიხილავდა.
ბოლო, დასკვნით სხდომაზე სასამართლომ ენათმეცნიერს მოუსმინა, რომელმაც რუსულ კანონთან დაკავშირებით ჩატარებულ ლინგვისტურ კვლევაზე ისაუბრა. მარინა ბერიძემ აღნიშნა, რომ სახელწოდება უკვე დაკავშირებულია მხოლოდ უარყოფითი დამოკიდებულებასთან.
პლენუმმა ასევე, მოსარჩელე და მოპასუხე მხარეებსაც მოუსმინა. დასკვნით სხდომაზე კი, მხარეებმა სასამართლოს შემაჯამებელი სიტყვა გააცნეს.
პროცესის დასრულების შემდეგ, საკონსტიტუციო სასამართლოს თავმჯდომარემ განმარტა, რომ “სასამართლო აქტის მიღების შესახებ მხარეებს დამატებით ეცნობებათ”.
