თორნიკე რიჟვაძე საქართველოში დაბრუნდება და საზოგადოების კითხვებს თავად უპასუხებს, ამის შესახებ მისმა მამამ, დავით რიჟვაძემ „აჭარა თაიმსთან“ საუბრისას განაცხადა.
აჭარის პოლიციის დეპარტამენტის დეტექტივების სამმართველოს ყოფილი უფროსი „აჭარა თაიმსმა“ ექსკლუზიურად ჩაწერა.
ჩვენ რამდენიმე კითხვის დასმა იმ დროს მოვახერხეთ, როდესაც დავით რიჟვაძე ბულვარში სეირნობდა. მან კითხვების უმეტესობა უპასუხოდ დატოვა, თუმცა ჩართული კამერის წინ გარკვეული განმარტებების გაკეთება მაინც მოუწია.
დავით რიჟვაძე არ აკონკრეტებს, ამ ეტაპზე სად იმყოფება მისი შვილი, თუმცა აცხადებს, რომ თორნიკე რიჟვაძე საქართველოში აუცილებლად დაბრუნდება.
„კარგად არის, ჯანმრთელად არის. ამჟამად უცხოეთში, ოჯახთან ერთად იმყოფება. რა მნიშვნელობა აქვს, კონკრეტულად სად არის – დაკითხვაზე ვარ? თუ საზოგადოებრივი ინტერესი იქნება, საზოგადოებას შესაბამის პასუხსაც გავცემთ. თავად ჩამოვა და კომენტარსაც გააკეთებს. მე რატომ არ უნდა დავბრუნებულიყავი საქართველოში? დაბრუნება თქვენთვის უნდა შემეთანხმებინა?“ – თქვა დავით დიჟვაძემ ჩვენთან საუბრისას.
დაკავშირებული თემები 🔻
ალექსი ახვლედიანი ადასტურებს, რომ თორნიკე რიჟვაძე გერმანიაშია
„გლოკის“ ტიპის იარაღით სცადა სუიციდი თორნიკე რიჟვაძემ – პროკურატურა
ბათუმის მერვე საჯარო სკოლამ თორნიკე რიჟვაძის შვილებს მოსწავლის სტატუსი შეუჩერა
