AJARATIMES.GE-ის ინფორმაციით, ბათუმის მერვე საჯარო სკოლის შენობიდან ჩამოვარდნილი ბეტონის ნატეხი ქალს თავზე დაეცა.
შემთხვევა იმ დროს მოხდა, როდესაც სკოლის ეზოში ბოლო ზარის ღონისძიება მიმდინარეობდა.
ფაქტი “აჭარა თაიმსს” სკოლის დირექტორმა დაუდასტურა. ქეთევან გვარჯალაძე-გორგოშაძემ გვითხრა, რომ ქალს ტვინის შერყევა აქვს მიღებული, ამ ეტაპზე კი მისი ჯანმრთელობის მდგომარეობა დამაკმაყოფილებელია.
დაშავებული მშობელი სასწრაფო სამედიცინო დახმარების ჯგუფმა კლინიკაში მოათავსა.
