გარემოს ეროვნული სააგენტოს ინფორმაციით, 16 მაისამდე საქართველოს მასშტაბით შენარჩუნებული იქნება არამდგრადი ამინდი — მოსალოდნელია დროგამოშვებით წვიმა, ზოგან ძლიერი, ელჭექი, სეტყვა და ქარის გაძლიერება.
მეტეოროლოგების პროგნოზით მოსალოდნელმა ნალექებმა შესაძლებელია გამოიწვიოს მდინარეებზე წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების გააქტიურება. აღნიშნულ პროცესებს გარემოს ეროვნული სააგენტო საშუალო საფრთხის დონით აფასებს.
მოსახლეობას და შესაბამის უწყებებს გრძელვადიანი ნალექებისა და უამინდობის ფონზე რეკომენდაცია ეძლევათ, იყვნენ სიფრთხილეებით და ყურადღებით, განსაკუთრებით მდინარეებთან, მთიან ზონებში და მეწყრის ზონაში მდებარე ტერიტორიებზე.
