აშშ-ის ფედერალურმა სასამართლომ დააკმაყოფილა „ამერიკის ხმის“ წარმომადგენელთა სარჩელი და დონალდ ტრამპის ადმინისტრაციას მაუწყებლის საქმიანობის აღდგენა დაავალა. ვაშინგტონის ოლქის მოსამართლის გადაწყვეტილებით, ადმინისტრაციას დაევალა სამსახურში დააბრუნოს ყველა ის თანამშრომელი, რომელიც 2025 წლის 14 მარტს გათავისუფლდა ან შვებულებაში გაეგზავნა. გარდა ამისა, სასამართლომ მოუწოდა აშშ-ის გლობალურ მედიის სააგენტოს განაახლოს მაუწყებლის დაფინანსება.
გადაწყვეტილება, მიუხედავად თავისი მნიშვნელობისა, ავტომატურად არ ნიშნავს, რომ „ამერიკის ხმა“ დაუყოვნებლივ განაახლებს მუშაობას – მოსალოდნელია, რომ ტრამპის ადმინისტრაცია გადაწყვეტილებას გაასაჩივრებს.
საქმეს წინ უძღოდა მარტში ტრამპის მიერ ხელმოწერილი აღმასრულებელი განკარგულება, რომელიც ითვალისწინებდა შვიდი ფედერალური სააგენტოს, მათ შორის USAGM-ის გაუქმებას. აღნიშნული სააგენტო ზედამხედველობს არაერთ საერთაშორისო მედიასაშუალებას, მათ შორის „ამერიკის ხმასა“ და „რადიო თავისუფლებას“.
