მულტიმედია

აჭარა თაიმსი • The Ajara Times

აჭარა თაიმსი • The Ajara Times
💡ჟურნალისტიკა, რომელსაც შედეგი მოაქვს ექვსთვიანი პაუზის შემდეგ ნათია რუსევამ საქმიანობა განაახლა. ის კვლავ სანაპიროზე მუშაობს და ტურისტებს ნატურალურ წვენებს სთავაზობს. ნათია ამბობს, რომ მუშაობის გაგრძელების შესაძლებლობა მისთვის, საარსებო წყაროს დაბრუნებასთან ერთად, საყვარელი საქმიანობის გაგრძელებასაც ნიშნავს, რომელსაც ის უკვე 14 წელია ეწევა. გარევაჭრობის აკრძალვის პერიოდში თვითდასაქმებულებმა არაერთი აქცია გამართეს. მათი პრობლემები და მოთხოვნები „აჭარა თაიმსმა“ არაერთხელ გააშუქა. ნათია ამბობს, რომ დამოუკიდებელი მედიის როლი კარგად ესმის და მისთვის მნიშვნელოვანია, რომ პრობლემის გაჟღერების შესაძლებლობა არსებობს. „ჩემთვის „აჭარა თაიმსი“ არის სივრცე, სადაც ჩემი ხმა ხმამაღლა ისმის. ვიცი, თუ რამე პრობლემა გასაჟღერებელია, უნდა დაურეკო დამოუკიდებელ მედიას. ერთი კაცის აქციასაც კი რეაგირების გარეშე არ ტოვებთ“, - ამბობს ნათია რუსევა. დღეს ნათია ისევ მუშაობს და ამბობს, რომ მისთვის ყველაზე მნიშვნელოვანია, რომ საკუთარი შრომით ოჯახის რჩენა შეუძლია. ნათიას ისტორია კიდევ ერთხელ აჩვენებს, რამდენად მნიშვნელოვანია, ადამიანების საჭიროებებზე საუბარი და მათი ხმის გაჟღერება. ეს ჩვენთვისაც მნიშვნელოვანი შედეგია, როცა ჟურნალისტიკა კონკრეტული ადამიანის პრობლემას აჩვენებს და საკითხის მოგვარებას ხელს უწყობს.
ჟურნალისტიკა, რომელსაც შედეგი მოაქვს
ბათუმში კოკისპირული წვიმის დროს სამშენებლო სამუშაოები მიმდინარეობს. სოციალურ ქსელში გავრცელებულ კადრებში ჩანს, რომ ბეტონის ჩასხმის პროცესი ყოველგვარი გადახურვის გარეშე მიმდინარეობს. ვიდეო: kenjebekonova_sabina
მშენებლობა წვიმაში
ბათუმში, ანგისის მეორე ჩიხში, ცხაურის გარეშე არსებული ღია არხი საფრთხეს ქმნის. წვიმის დროს არხი წყლით ივსება და ორმო ხილვადი აღარ არის, რის გამოც მასში ავტომობილები ვარდებიან. არსებობს ადამიანების ჩავარდნის რისკიც.
ღია არხი
ბათუმში ძლიერი წვიმის შედეგად სახლები დაიტბორა. მათ შორისაა გენერალ ასლან აბაშიძის ქუჩის №51-ში მდებარე საცხოვრებელი. აღნიშნულ მისამართზე მცხოვრებლები თითქმის ყოველი ძლიერი წვიმის დროს იტბორებიან. წყალმა საცხოვრებელ სახლში შეაღწია და საყოფაცხოვრებო ნივთები დააზიანა. დაზარალებული ოჯახი მიყენებული ზიანის ანაზღაურებას ელოდება.
სახლები დაიტბორა
ხელვაჩაურის მუნიციპალიტეტის სოფელ ქვედა ჯოჭოში მცხოვრები ტარიელ ბარამიძის სამწევრიანი სოციალურად დაუცველი ოჯახი დახმარებას ითხოვს. როგორც ტარიელ ბარამიძე „აჭარა თაიმსთან“ ამბობს, ხის ერთოთახიანი სახლი ავარიულ მდგომარეობაშია, სადაც ყოველდღიურად ღამის გათევა მათთვის საფრთხეს წარმოადგენს. ხის სახლი დაახლოებით ნახევარი საუკუნის წინ აშენდა, თუმცა დროსთან ერთად მისი შიდა და გარე მდგომარეობა საგრძნობლად დაზიანდა. ამორტიზებულია სახლის ხის იატაკი, სახლის ბურჯები, რომლებზეც ნაგებობა დგას, უვარგისია, ასევე სახურავიდან წვიმის წყალი პირდაპირ შიგნით, ოთახში ჩადის. საკარმიდამო ნაკვეთი და ეზოც არ არის დაცულ მდგომარეობაში, რადგან სახლის წინ არსებული ქუჩიდან წვიმის წყალი პირდაპირ ეზოში ჩაედინება, რამაც შესაძლოა ნებისმიერ დროს საძირკველი გამოაცალოს სახლის ბურჯებს, რადგან არსებულ ტერიტორიაზე მიწის გრუნტი მცოცავია. ტარიელ ბარამიძე ხელვაჩაურის მუნიციპალიტეტს დახმარებას სთხოვს და ამბობს, რომ მუნიციპალიტეტიდან მასთან კომისია იყო მისული, რომელმაც საცხოვრებელი გარემო დაათვალიერა, თუმცა კრიტიკული შეუსაბამობა და დაჩქარებული წესით ალტერნატიულ ფართში მოქალაქის გადაყვანის აუცილებლობა ვერ დაინახა. ტარიელ ბარამიძის ოჯახი სასწრაფო წესით სთხოვს ხელვაჩაურის მერიას ალტერნატიულ ფართში გადაყვანას ან დროებით ქირის თანხით უზრუნველყოფას. მოქალაქე ამბობს, რომ 17 ათასი ლარი, რომელიც მას მუნიციპალიტეტმა შესთავაზა, არარეალური ციფრია. ამ თანხაში დღეს სახლს ვერ ააშენებს.
ავარიულ სახლში მცხოვრები ოჯახი დახმარებას ითხოვს
ქობულეთში მუნიციპალურ ავტობუსებში მგზავრობის საფასურის გადახდა მხოლოდ ნაღდი ანგარიშსწორებით არის შესაძლებელი. ქობულეთის მერიამ მგზავრობის საფასურის ელექტრონული გადახდის სისტემის დანერგვა დღემდე ვერ უზრუნველყო. მოსახლეობის ნაწილი წლებია ითხოვს გადახდის თანამედროვე და მარტივი საშუალების დანერგვას. საბარათე სისტემის შემოღებას ყველა მგზავრი არ ეთანხმება. განსაკუთრებით სოფლების მიმართულებით მოძრავი ავტობუსების მგზავრთა ნაწილი ამბობს, რომ მათთვის ნაღდი ანგარიშსწორება უფრო მოსახერხებელია. ამბობენ, რომ ზოგჯერ ნისიად მგზავრობენ და შესაძლოა ბარათზე თანხა ყოველთვის ვერ ჰქონდეთ. ქობულეთის მერია ამჯერად ირწმუნება, რომ მიმდინარე წლის ბოლომდე მუნიციპალურ ავტობუსებში საბარათე სისტემით გადახდა ოფიციალურად დაიწყება. „ქობულეთის მერიის ინფორმაციით, მიმდინარე წლის ბოლომდე საბარათე სისტემით გადახდა მუნიციპალურ ავტობუსებში ოფიციალურად დაიწყება და წლის ბოლომდე ტექნიკურად გაიმართება. ამდროისთვის ელექტრონული ტენდერი დასრულდა და მოლაპარაკებები მიმდინარეობს ერთ-ერთ კომპანიასთან. ასევე აღნიშნულ მომსახურებაში ე.წ. კონტროლიორის სამსახურიც ჩაერთვება,“ - აცხადებენ მერიაში. ჩვენი ინფორმაციით, „საქართველოს ბანკთან“ მოლაპარაკება უკვე დასრულებულია. ბანკი უზრუნველყოფს ტექნიკურ სამუშაოებს, მათ შორის, სამგზავრო ბარათების დამზადებასა და ავტობუსებში ელექტრონული გადახდის სისტემის დამონტაჟებას.
გადახდა ქეშით
ბათუმში დღეს გადაადგილებისთვის რეზინის ჩექმები, ზოგან კი ნავიც კი არის საჭირო
ბათუმში, ქეთევან წამებულის ქუჩაზე, წვიმის შედეგად სახლების პირველი სართულები და ეზოები დაიტბორა. წყლით დაიფარა ეზოები და საცხოვრებელი სახლების პირველი სართულები ანწუხელიძის ქუჩაზეც. „აჭარა თაიმსმა“ დატბორილი ქუჩებიდან არაერთი შეტყობინება მიიღო. მოქალაქეების თქმით, ისინი დახმარებას ითხოვენ, თუმცა, მათი განცხადებით, ადგილზე შესაბამისი სამსახურები დასახმარებლად არ მისულან.
სახლები დაიტბორა
ბათუმში, ტრადიციულად წვიმის შედეგად ქუჩები დაიტბორა
გამოიწერე