გარემოსდაცვითი დეპარტამენტის ინფორმაციით, 2025 წლის 23 აგვისტოდან 23 დეკემბრის ჩათვლით ჩატარებული მონიტორინგის შედეგად გამოვლენილი დარღვევების უმრავლესობა უკავშირდება აკრძალული იარაღით, მეთოდით ან საშუალებით ნადირობის ფაქტებს.
ამავე პერიოდში დაფიქსირდა უკანონო ნადირობის 6 შემთხვევა, რომლებიც სისხლის სამართლის დანაშაულის ნიშნებს შეიცავს. აღნიშნულ ფაქტებზე შედგენილი მასალები შემდგომი რეაგირების მიზნით შესაბამის უწყებებს გადაეგზავნა.
გარემოსდაცვითი ზედამხედველობის დეპარტამენტის თანამშრომლებმა ოთხი თვის განმავლობაში ამოიღეს 590 ერთეული უკანონო საშუალება, მათ შორის ფრინველების მოსაზიდი ხმოვანი მოწყობილობები – ე.წ. „მანოკები“.
დეპარტამენტში განმარტავენ, რომ ნადირობის პროცესზე კონტროლი და გარემოსდაცვითი მონიტორინგი გაგრძელდება, ხოლო კანონდარღვევებზე მკაცრი რეაგირება კვლავ შენარჩუნდება.
