ოპოზიცია ბათუმის მერს კორუფციასა და საბიუჯეტო ორგანიზაციების არაეფექტურ მართვაში ადანაშაულებს. “ნაციონალური მოძრაობის” წევრს ამის მაგალითად, სახელმწიფო აუდიტის დასკვნა მოჰყავს, რომლის მიხედვითაც სანდასუფთავების სამსახურის მუშაობა კრიტიკულადაა შეფასებული.
რევაზ ხარაზმა ბრიფინგზე განაცხადა, რომ ის, რაზეც პარტია წლების განმავლობაში საუბრობდა აუდიტის სამსახურმა დაადასტურა. ხარაზი პასუხისმგებლობას ბათუმის მერს აკისრებს და აცხადებს, რომ არჩილ ჩიქოვანის ხალხის საჭიროებებზე არ ფიქრობს.
“სახელმწიფო აუდიტის სამსახურის მიერ, გამოქვეყნებული დასკვნით, რომელიც ბათუმის მერიის დაქვემდებარებულ ორგანიზაციას შპს სანდასუფთავებას ეხება, აღწერილია ის პრობლემები, რომლებზეც “ნაციონალური მოძრაობა” წლების განმავლობაში საუბრობდა. დასკვნის მიხედვით, არამიზნობრივად არის გახარჯული საწვავი, ასევე, სამსახურმა ვერ უზრუნველყო ფინანსების სწორად ხარჯვა, შესყიდვები სარისკოა და შეიცავს კორუფციის რისკებს. “ნაციონალური მორაობა” პასუხისმგებლობას აკისრებს, ბათუმის მერს, არჩილ ჩიქოვანს. სწორედ რომ მისი და მისი გუნდის დამსახურებაა არაეფექტურად სამსახურის ფუნქციონირება. ბათუმის მერია, თავისი სამსახურებით ვერ ახდენს მოსახლეობის ინტერესებისა და საჭიროებების უზრუნველყოფას,” – განაცხადა ბრიფინგზე რეზო ხარაზმა.
რას წერს აუდიტის სამსახური “ბათუმის სანდასუფთავების” საქმიანობაზე შეგიძლიათ ნახოთ ბმულზე.
