პენიტენციური დაწესებულების მეორე განყოფილებაში პატიმარს სცემეს, ამის შესახებ “აჭარა თაიმსს” ოჯახის წევრებმა მიაწოდეს ინფორმაცია.
მათი თქმით, ნ.ბ-ს სხეულზე სხვადასხვა სახის დაზიანება აქვს მიყენებული და ის თავდაპირველად ქუთაისში, ერთ-ერთ კლინიკაში იყო მოთავსებული, თუმცა მოგვიანებით თბილისში გადაიყვანეს.
ოჯახმა და ახლობლებმა ამ დრომდე არ იციან ვინ იძალადა მსჯავრდებულზე ან როგორია მისი ჯანმრთელობის მდგომარეობა.
“მედიისგან ვითხოვთ ყურადღებასა და საკითხის გაშუქებას, პასუხს არავინ გვცემს, ერთადერთი ის ვიცით, რომ პატიმარი ნაცემია, რთულ მდგომარეობაშია,” – აცხადებს ოჯახის ახლობელი.
“აჭარა თაიმსი” დეტალების გასარკვევად პენიტენციურ დაწესებულებას დაუკავშირდა, თუმცა უწყებაში ჩვენს კითხვებს არ უპასუხეს.
ინფორმაციისთვის: პატიმარი ნ.ბ ქობულეთის მუნიციპალიტეტის მკვიდრია.
