აჭარის პოლიციის სამმართველოს უფროსს ნარკოტიკული ნივთიერებისა და იარაღის ჩადების მუქარაში ადანაშაულებენ.
36 წლის ბათუმელი კაცის, ავთანდილ კომახიძის თქმით, გრიგოლ ბესელია მას არაერთხელ დაემუქრა თავისუფლების აღკვეთით. ასევე, კომახიძემ აღნიშნა ისიც, რომ აჭარის პოლიციის სამმართველოს უფროსს მასზე ფსიქოლოგიური ზეწოლა არაერთხელ განუხორციელებია, რის გამოც თურქეთის რესპუბლიკაში გადასვლა მოუწია.
ავთანდილ კომახიძის ოჯახის წევრები გრიგოლ ბესელიასთან შეხვედრის მოთხოვნით, აჭარის პოლიციის მთავარ სამმართველოსთან შეიკრიბნენ, თუმცა უშედეგოდ. მათი თქმით, საზღვრის კვეთის შემთხვევაში, დიდია ალბათობა კომახიძე უკანონოდ დააკავონ.
