2024 წელს საქართველოს მოქალაქეობა 3 587 პირმა მიიღო, რომელთაგან ყველაზე დიდი წილი – 2 361 ადამიანი – რუსეთის ფედერაციის მოქალაქეა. ინფორმაცია ამის შესახებ საქართველოს სტატისტიკის ეროვნული სამსახურმა გამოაქვეყნა.
რუსეთის მოქალაქეები, როგორც სტატისტიკა აჩვენებს, ლიდერობენ იმ ქვეყნების სიაში, რომელთა მოქალაქეებმაც 2024 წელს საქართველოს მოქალაქეობა მიიღეს. ამით რუსეთის ფედერაცია უკვე რამდენიმე წელია ინარჩუნებს პირველობას ამ მიმართულებით.
საქსტატის მონაცემების მიხედვით, 2015 წლიდან 2024 წლის ჩათვლით, საქართველოს მოქალაქეობა ჯამში 24 866 რუსეთის მოქალაქეს მიენიჭა.
რაც შეეხება 2024 წლის სტატისტიკის განაწილებას: 3 587 ახალ მოქალაქეს შორის 2 739-ის დაბადების ადგილი თავად საქართველოა, 844 კი სხვა ქვეყანაშია დაბადებული, ხოლო 4 შემთხვევაში დაბადების ადგილი არ არის მითითებული.
მეორე მხრივ, გასულ წელს საქართველოს მოქალაქეობა შეუწყდა 1 592 პირს. აქედან 1 177 საქართველოს ტერიტორიაზეა დაბადებული, 414 – უცხოეთში, ხოლო 1 პირს დაბადების ადგილი მითითებული არ აქვს.
საქართველოში რუსეთის მოქალაქეების მფლობელობაში 37,400 -მდე კომპანიაა – კვლევა
