არასქმთავრობო ორგანიზაცია „საორსა“ იწყებს ახალ სოციალურ-საგანმანათლებლო ინიციატივას, რომელიც მიზნად ისახავს აჭარის რეგიონში პროფორიენტაციისა და კარიერული განვითარების ხელშეწყობას.
პროექტის მიზანი და მონაწილეები:
პროექტი ხელს შეუწყობს 18-29 წლამდე ახალგაზრდების დასაქმებას და მათ ეკონომიკურ დამოუკიდებლობას. კონკურსის საფუძველზე შერჩეული 25 ახალგაზრდა გაივლის სპეციალურ სასწავლო პროგრამას, რომელიც მოიცავს შემდეგ მიმართულებებს:
• კარიერული განვითარება;
• დასაქმების უნარ-ჩვევები;
• ფინანსური წიგნიერება და მეწარმეობა.
რას სთავაზობს პროექტი მონაწილეებს?
• ახალი ცოდნა და უნარ-ჩვევები, რომლებიც უზრუნველყოფს პროფესიულ და პიროვნულ განვითარებას;
• ინდივიდუალური კარიერული კონსულტაციები;
• მეწარმეობის კვირეული, რომლის ფარგლებში მოეწყობა ადგილობრივი საწარმოების მონახულება;
• წარმატებული მონაწილეები გაივლიან სტაჟირებას შესაბამის ორგანიზაციებში.
დასაქმების ფორუმი და რეკომენდაციები:
პროექტი დასრულდება დასაქმების ფორუმით, სადაც შეფასდება მიღწეული შედეგები და შემუშავდება რეკომენდაციები პროფორიენტაციის, კარიერის დაგეგმვის მნიშვნელობისა და შრომის ბაზრის განვითარებაში აქტორების ჩართულობის ზრდისთვის.
როგორც “საორსაში” განმარტავენ, პროექტი აჭარაში მცხოვრებ ახალგაზრდებს შესთავაზებს უნიკალურ შესაძლებლობას განავითარონ საკუთარი შესაძლებლობები და მიაღწიონ კარიერულ წარმატებას.
პროექტში მონაწილეობის მსურველ ახალგაზრდებს რეგისტრაციის გავლა შეუძლიათ აღნიშნულ ბმულზე.
