საბაჟო გამშვებ პუნქტ „სარფში“ დიდი ოდენობით არადეკლარირებული ოქროს ნაკეთობების შემოტანის ორი ფაქტი აღიკვეთა.
ფინანსთა სამინისტროს შემოსავლების სამსახურის ინფორმაციით, არადეკლარირებული საქონლის საერთო საბაჟო ღირებულებამ 78 332 ლარი შეადგინა.
ერთ შემთხვევაში, საქართველოს მოქალაქის მიერ ჩადენილ სამართალდარღვევასთან დაკავშირებით საქმის მასალები შემდგომი რეაგირების მიზნით ფინანსთა სამინისტროს საგამოძიებო სამსახურს გადაეცა.
რაც შეეხება უცხო ქვეყნის მოქალაქეს, იგი საბაჟო კოდექსის 168-ე მუხლის პირველი ნაწილით გათვალისწინებული სამართალდარღვევისთვის 8 215 ლარით დაჯარიმდა.
