სარფის საბაჟოზე დიდი ოდენობით არადეკლარირებული ოქროს ნაკეთობების შემოტანის ფაქტები აღკვეთეს
ფინანსთა სამინისტროს შემოსავლების სამსახურის ინფორმაციით, სარფის საბაჟოზე საქართველოსა და უცხო ქვეყნის მოქალაქეების,როგორც ფიზიკური, ასევე კუთვნილი ბარგის დათვალიერების შედეგად, 487,55 გრამი არადეკლარირებული ოქროს საიუველირო ნაკეთობები გამოვლინდა, რომლის საბაჟო ღირებულება ჯამში, 49 870,6 ლარი იყო.
სამართალდამრღვევი უცხო ქვეყნის მოქალაქის საქმის მასალები, შემდგომი რეაგირების მიზნით,ფინანსთა სამინისტროს საგამოძიებო სამსახურს გადაეგზავნა, ხოლო, საქართველოს საბაჟოკოდექსის 168-ე მუხლის I ნაწილის შესაბამისად, კანონდამრღვევი საქართველოს მოქალაქე, სანქციის სახით, 7509,9 ლარით დაჯარიმდა.
