AJARATIMES.GE-ის ინფორმაციით, ბათუმში, კერძო სკოლა “თამარისში” პირველკლასელს ტანსაცმელი გახადეს და მასზე ფიზიკურად იძალადეს. მშობლის თქმით, ფიზიკურ ანგარიშსწორებამდე მოსწავლეს აბულინგებდნენ. მშობლმა აღნიშნულის შესახებ სკოლის ადმინისტრაციას აცნობა, თუმცა ფაქტზე რეაგირება არ მომხდარა.
“აჭარა თაიმსი” კერძო სკოლა “თამარისის” მფლობელს დაუკავშირდა, რომელმაც ძალადობის ფაქტი კატეგორიულად უარყო და განაცხადა, რომ ბავშვების “თამაშს” ძალადობა არ შეიძლება ეწოდოს.
“ერთი მშობელის ნათვამი არ შეიძლება სიმართლე იყოს. თუ მართლაც მოხდა აღნიშნული შემთხვევა მაშინ ინციდენტში თავისი ბავშვიც მონაწილეობდა. ხელზე ჩალურჯებები არ ჰქონია, მე არ მინახავს. გამოკითხეთ კლასელები და მიხვდებით რაშია საქმე. ჩემი მოკვლევით ის გაირკვა, რომ ბავშვები თამაშობდნენ, ტანსაცმლის გახდის პროცესში აღნიშნული მოსწავლეც მონაწილეობდა,” – განაცხადა ზაურ სოლომონიძემ, რომელიც კერძო სკოლა “თამარისის” მფლობელია.
თუ ძალადობის შემთხვევა არ ყოფილა, მაშინ მშობლეს რა ინტერესი შეიძლება ჰქონდეს ვკითხეთ ზაურ სოლომონიძე – მან ამ შემთხვევაში მოტივი ვერ ახსნა და გვითხრა, რომ არ აინტერესებს ერთი მშობლის პრეტენზია.
“ასეთ რამეებზე პასუხს არ ვცემ. იმდენი “ხუშტურიანი” ადამიანია მაშინ, პასუხების გაცემით უნდა ვიყო დაკავებული და საქმე არ უნდა ვაკეთო,” – გვითხრა ზაურ სოლომონიძემ და ამით ჩვენთან საუბარი შეწყვიტა.
