ქობულეთში, მეოთხე კლასის მოსწავლემ ფანჯრიდან გადახტომა სცადა, მასწავლებელმა იგი შეაჩერა. შემთხვევა II საჯარო სკოლაში მოხდა. როგორც, AJARATIMES.GE-ისთვის ცნობილია, ადგილზე პოლიციელები იმყოფებოდნენ, ასევე, რესურსცენტრის წამომადგენლებიც. ჩვენი ინფორმაციით, ბავშვის განზრახვის შესახებ მანდატურის სამსახური წინასწარ იყო ინფორმირებული. მოზარდმა, მათ გადაწყვეტილების შესახებ თავად უამბო.
როგორც, სკოლის დირექტორმა, ნანი ცივაძემ “აჭარა თაიმსთან” საუბრისას განაცხადა, ბავშვმა გადახტომა მაშინ სცადა, როცა მის წასაყვანად მისული ბაბუა სასწავლო ოთახის ფანჯრიდან დაინახა.
ნანი ცივაძემ მომხდარი ბავშვის ჯანმრთელობის მდგომარეობას დაუკავშირა და მოზარდის სამედიცინო ცნობებზე გაამახვილა ყურადღება, რასაც ჩვენ ცხადია არ გავასაჯაროვებთ.
