ბათუმის საერთაშორისო აეროპორტში სტამბოლიდან მომავალი რეისის თვითმფრინავს ამ დროისთვის დაჯდომა უჭირს. მიზეზი სავარაუდოდ ძლიერი ქარია.
თვითმფრინავი, რომელიც აეროპორტში 21:30 საათზე უნდა დაშვებულიყო, ბათუმის ცაზე მანევრირებს, პილოტი კი ეძებს უსაფრთხო დაშვების შესაძლებლობას. ჯერჯერობით უცნობია, გადამისამართდება თუ არა ავიარეისი სხვა აეროპორტში. ოფიციალური განცხადება არც აეროპორტის წარმომადგენლობას და არც ავიაკომპანიას გაუვრცელებია.
განახლება: თვითმფრინავი უსაფრთხოდ სამსუნის აეროპორტში დაჯდა.
