ქობულეთში, გელაურის დასახლებაში ავტოსაგზაო შემთხვევა მოხდა. თვითმხილველების ინფორმაციით, მსუბუქი ავტომობილი მაღაზიას შეეჯახა, რის შედეგადაც დაშავდა ობიექტის თანამშრომელი.
დაშავებული, რომელიც სავარაუდოდ მაღაზიის კონსულტანტია, სასწრაფო სამედიცინო დახმარების ჯგუფმა კლინიკაში გადაიყვანა. მისი ჯანმრთელობის მდგომარეობა ამ დროისთვის უცნობია.
შემთხვევის შედეგად მაღაზიის ვიტრინა ჩაიმსხვრა და მნიშვნელოვნად დაზიანდა სავაჭრო სივრცე. შემთხვევის ადგილზე იმყოფებიან საპატრულო პოლიციის ეკიპაჟები. მიმდინარეობს შემთხვევის ადგილის დათვალიერება და მომხდარის დეტალების გარკვევა.
