შავი ზღვის დაცვის კონვენციური სამმართველოს ინფორმაციით, 2025 წლის იანვარ-ოქტომბერში უწყების თანამშრომლებმა შავი ზღვის აკვატორიაში 203 გემის ინსპექტირება განახორციელეს. შემოწმებების შედეგად, გამოვლინდა ადმინისტრაციული სამართალდარღვევის 31 შემთხვევა.
დარღვევებიდან 3 თევზჭერის წესების დარღვევას უკავშირდება, 12 – ზღვის დაბინძურების ფაქტს, ხოლო 16 სხვა ტიპის სამართალდარღვევად არის შეფასებული. სამართალდარღვევების შედეგად გარემოსთვის მიყენებული ზიანის ოდენობამ 42 ათას ლარს გადააჭარბა. ამასთან, სამართალდამრღვევთა მიმართ დაკისრებული ჯარიმების საერთო თანხა მილიონ ლარზე მეტს შეადგენს.
