აჭარის საარქივო სამმართველო 101 წლისაა. ამ დღესთან დაკავშირებით გამართულ ღონისძიებაზე იმ მიღწევებსა და გამოწვევებზე ისაუბრეს, რაც სამმართველოს დღეისთვის გააჩნია. სამმართველო დოკუმენტაციის მიღების პარალელურად საცავებში დაცული მასალების ციფრულ ფორმატში გადატანასაც ახდენს.
“მე ვულოცავ ჩემს კოლეგებს 101 წლის იუბილეს, ასევე, არქივისტის დღეს. მათი შრომა ფასდაუდებელია. ჩვენ წელს ორი პროგრამა ავითვისეთ, მათ შორის, მიწის გაფორმებების დოკუმენტაციის ციფრულ მორმატში გადატანა, რაც საკმაოდ შრომატევადი საქმეა. არქივი არის დოკუმენტაციის მიღების მზარდი წყარო, შესაბამისად საცავების სიმცირე გვაქვს, ცხადია ამ მიმართულებით ვმუშაობთ და მთავრობის დახმარებით ეს გამოწვევაც მალე გადაიჭრება,” – განაცხადა ღონისძიებაზე აჭარის საარქივო სამმართველოს ხელმძღვანელმა, მაკა ივანიშვილმა.
