„აჭარა თაიმსის“ ინფორმაციით, ბათუმში, გვიან ღამით, ახალ ბულვარში, კაჩინსკების ქუჩაზე დაპირისპირების დროს ორი ადამიანი დაშავდა. მათ შორის, ერთი პირი ცივი იარაღით დაჭრეს.
დაჭრას წინ ურთიერთშელაპარაკება უძღოდა. ინციდენტში მონაწილე პირები, სავარაუდოდ უცხო ქვეყნის მოქალაქეები არიან.
შინაგან საქმეთა სამინისტროს ინფორმაციით, მომხდართან დაკავშირებით ორი პირია დაკავებული.
გამოძიება სისხლის სამართლის კოდექსის 120-ე მუხლით მიმდინარეობს. დანაშაული 5 წლამდე ვადით თავისუფლების აღკვეთას ითვალისწინებს.
