შინაგან საქმეთა სამინისტროს ცნობით, განსაკუთრებით დიდი ოდენობით ნარკოტიკული საშუალების საქართველოში უკანონოდ შემოტანის ბრალდებით ერთი პირი დააკავეს.
უწყების ინფორმაციით, ბრალდებულის პირადი ჩხრეკისას, ბათუმის საერთაშორისო აეროპორტში, განსაკუთრებით დიდი ოდენობით, 300-ზე მეტი აბი ნარკოტიკული საშუალება „მდმა“ ნივთმტკიცებად ამოიღეს.
გამოძიება საქართველოს სისხლის სამართლის კოდექსის 260-ე და 262-ე მუხლებით მიმდინარეობს. უწყების ცნობით, აღნიშნული დანაშაული 20 წლამდე ან უვადო თავისუფლების აღკვეთას ითვალისწინებს.
