სურსათის ეროვნული სააგენტოს ინფორმაციით, ბათუმში, ტბელ აბუსერიძის ქუჩა N1-ში მდებარე საბავშვო ბაღ „სტარ ბათუმი“ არაგეგმური ინსპექტირება განახორციელეს.
შემოწმებისას გამოვლინდა კრიტიკული შეუსაბამობები: არასათანადო რეცხვა-დეზინფექცია, წყალმომარაგების პრობლემები და ბიზნესოპერატორის ეკონომიკურ საქმიანობათა რეესტრში რეგისტრაციის არქონა.
დარღვევების გამო ბიზნესოპერატორი დააჯარიმეს და საწარმოო პროცესი შეჩერეს, მანამ ვიდრე პრობლემები არ იქნება გამოსწორებული.
სურსათის ეროვნული სააგენტო მოუწოდებს მოსახლეობას, დარღვევის შემთხვევების შესახებ ინფორმაცია მიაწოდონ ცხელ ხაზზე – 15-01.
