ბათუმში ვეტერინარულ კლინიკა „ოთხ თათში“ ვადაგასული ვეტერინარული პრეპარატი აღმოაჩინეს.
სურსათის ეროვნული სააგენტოს ინფორმაციით, აჭარის დეპარტამენტის ინსპექტორებმა არაგეგმური შემოწმება მელიქიშვილის ქუჩაზე მდებარე ვეტერინარულ კლინიკაში ჩაატარეს, სადაც სახელმწიფო კონტროლის დროს ვადაგასული პრეპარატი გამოვლინდა.
სააგენტოს ცნობით, ვეტკლინიკებში, ვეტაფთიაქებსა და ზოომაღაზიებში კონტროლი მთელი ქვეყნის მასშტაბით უწყვეტ რეჟიმში მიმდინარეობს, რათა დაცული იყოს შინაური ცხოველების ჯანმრთელობა და უსაფრთხო გარემო.
