სურსათის ეროვნული სააგენტოს ინფორმაციით, ბათუმში თევზისა და თევზპროდუქტების გადამამუშავებელი საწარმო, შპს „როიალ ფიშ ბათუმი“ არაგეგმურად შეამოწმეს. საწარმო ნიკო ჯაყელის ქუჩა N18-ში მდებარეობს.
უწყების ცნობით, ინსპექტირების შედეგად გამოვლინდა კრიტიკული შეუსაბამობები. ასევე დადგინდა, რომ ბიზნესოპერატორი რეგისტრაციისა და სავალდებულო აღიარების გარეშე საქმიანობდა.
შემოწმებისას სააგენტომ 5 ტონაზე მეტი ვადაგასული თევზი აღმოაჩინა. სურსათის ეროვნული სააგენტოს ინფორმაციით, ვადაგასული პროდუქცია შემდგომი განადგურების მიზნით დაილუქა.
კანონმდებლობის შესაბამისად, ბიზნესოპერატორი დაჯარიმდა, ხოლო საწარმოს საწარმოო პროცესი შეუჩერდა.
