შინაგან საქმეთა სამინისტროს ინფორმაციით, აჭარის მთავარი სამმართველოს თანამშრომლებმა ბათუმში დააკავეს თურქეთის რესპუბლიკის მოქალაქე, 1973 წელს დაბადებული ჯ.ქ., რომელიც ინტერპოლის მიერ გამოცხადებული იყო წითელი ცირკულარით.
უწყების ცნობით, დაკავებული პირი თურქეთის რესპუბლიკის მიერ იძებნებოდა თავისუფლების აღკვეთისა და მუქარის ფაქტებზე. ის საერთაშორისო ძებნაში 2025 წლის ნოემბრიდან იმყოფებოდა.
ამჟამად, დაკავებულის მიმართ მიმდინარეობს კანონით გათვალისწინებული საექსტრადიციო პროცედურები, რის ფარგლებშიც საქართველოს შესაბამისი ორგანოები თანამშრომლობენ თურქეთის მხარესთან.
