ბათუმის აგრარული ბაზრის მიმდებარე ტერიტორიაზე ფრინველის კუსტარულად მოწყობილი სასაკლაო გამოავლინეს. ინფორმაციას ავრცელებს სურსათის ეროვნული სააგენტო. უწყების ცნობით, ინსპექტორებმა ადგილზე აღმოაჩინეს ხელვაჩაურის მუნიციპალიტეტის სოფელ თხილნარში მცხოვრები ფიზიკური პირი, რომელსაც ცხოველების სადგომში მოწყობილი ჰქონდა ფრინველის სასაკლაო.
სააგენტოს ინფორმაციით, ადგილზე ფრინველის დაკვლა მიმდინარეობდა ჰიგიენური ნორმების უხეში დარღვევით. ამასთან, დადგინდა, რომ აღნიშნული პირი საქმიანობას ახორციელებდა ეკონომიკურ საქმიანობათა რეესტრში რეგისტრაციისა და სააგენტოს სავალდებულო აღიარების გარეშე.
