ბათუმში, ხალხმრავალი საპროტესტო აქციები დროებით შეწყდა, ამის მიზეზი როგორც ორგანიზატორები ამბობენ ხელისუფლების მუქარა და დაშინება გახდა. დღეს, ბათუმის მერიასთან ხალხის მცირე რაოდენობა შეიკრიბა.
ბიზნესმენი გაფილ ოზთურქი, რომელიც ამ ეტაპზე პატიმრობაშია თანახმაა მის მიერ, უკანონოდ აშენებული კორპუსები ამ ადამიანებს გამოსყიდვის უფლებით გადასცეს, რასაც აქციის ორგანიზატორის თქმით, ხელისუფლება არ თანხმდება.
უსახლკაროები ასევე, ბათუმის საკრებულოს დებულების ცვლილებას ითხოვენ, რომლის მიხედვითაც კრიტერიუმების ჩამონათვალი მცირეა, რაც მათი ბინით უზრუნველყოფის საშუალებას არ იძლევა.
უფლებადამცველ მერაბ ბლადაძის თქმით, აღნიშნულ საკითხზე ის ბათუმის ვიცე-მერს შეხვდა და დებულების ცვლილების დაპირება მიიღო.
ინფორმაციისთვის: სოციალურად დაუცველები და უსახლკაროები ბათუმში საპროტესტო აქციებს ტრადიციულად ხუთშაბათობით მართავენ და ისინი ამ დროის განმავლობაში ხელისუფლებისგან დახმარებას უშედეგოდ ელოდებიან.
