“ნაციონალურ მოძრაობაში” მორიგ საარჩევნო დარღვევაზე საუბრობენ. კერძოდ, პარტიის ინფორმაციით, ბათუმის 23-ე საარჩევნო უბანზე “ქართული ოცნების” სააგიტაციო ბროშურებია განთავსებული.
ოპოზიციამ კანონდარღვევის ამსახველო ფოტო-ვიდეო მასალა მოიპოვა. ამასთან, პარტიის ინფორმაციით, საუბნო საარჩევნო კომისიის 41-მა წევრმა თანამდებობა დატოვა, ამის მიზეზი კი, ოპოზიციის მტკიცებით მმართველი პარტიის მხრიდან ზეწოლა გახდა.
“ნაციონალური მოძრაობის” წევრის, ნიკა ქაშიბაძის თქმით, კომისიის წევრებს პარტიულ აგიტაციას აიძულებდნენ.
“აჭარა თაიმსი” საპასუხო კომენტარისთვის “ქართულ ოცნებას” დაუკავშირდა, პოზიციის დაფიქსირების შემთხვევაში მასალა განახლდება.
