ბათუმის ავტოტრანსპორტის ინფორმაციით, 12 და 13 აპრილს მუნიციპალური ტრანსპორტი მგზავრებს უფასოდ მოემსახურება.
მათივე ცნობით, სადღესასწაულო დღეებთან დაკავშირებით, ქალაქში ასევე დროებით იცვლება რამდენიმე ავტობუსის მარშრუტი.
კერძოდ, სერგი მესხის ქუჩაზე საგზაო მოძრაობის გაცალმხრივების გამო, №11 სამარშრუტო ხაზი უკუმიმართულებით გადაადგილებისას იმოძრავებს გოგოლისა და სევერიანე აჭარელის ქუჩების გავლით.
ამასთან, ცვლილებები შეეხება №2 და №2ა ხაზებსაც – აღნიშნული ავტობუსები მაიაკოვსკის ქუჩიდან თაბუკაშვილის ქუჩის მიმართულებით გადაადგილდებიან.
