„დინამო ბათუმისა“ და „დინამო თბილისის“ პირველი ტურის მატჩი ფრედ, 2:2 დასრულდა. „დინამოების“ დერბიში ანგარიში მესამე წუთზე ჩიტეიშვილმა („დინამო ბათუმი“) მარას ასისტით გახსნა. მასპინძლებმა წონასწორობის აღდგენა მეცხრე წუთზე დოლტმურზიევის გოლით შეძლეს.
„დინამო ბათუმი“ შეტევებს აგრძელებდა და შეხვედრის 36-ე წუთზე კირკიტაძის გოლით კვლავ დაწინაურდა. მატჩი „ბათუმელების“ უპირატესობით 73-ე წუთამდე მიმდინარეობდა, როცა მონტეირუმ ანგარიში გაათანაბრა.
როგორც ცნობილია, „დინამოების“ დერბი პირველ ტურში უნდა გამართულიყო, თუმცა უამინდობის გამო მატჩი გადაიდო. მომდევნო შეხვედრას „დინამო ბათუმი“ 18 აპრილს, იბერია 1999-ის წინააღმდეგ გამართავს.
ავტორი: დიმიტრი გორგილაძე
