ბათუმში, 20-მდე უსახლკარო თავდაცვის სამინისტროს ერთ-ერთ, უფუნქციო ენობაში შეიჭრა. ისინი ამბობენ, რომ წასასვლელი არსად აქვთ და მიტოვებული შენობიდან გამოსვლას არ აპირებენ.
ე.წ. ბარცხანის დასახლებაში, უფუნქციო შენობის მიმდებარე ტერიტორიაზე პოლიცია და თავდაცვის სამინისტროს წარმომადგენლები იმყოფებიან. ისინი ჟურნალსტებს იმ შენობაში შესვლის უფლებას არ აძლევენ, სადაც უსახლკაროები ამ ეტაპზე იმყოფებიან.
სოციალურად დაუცველები შენობაში საკვებისა და წყლის გარეშე არიან და მათ გარეთ გამოსვლის ეშინიათ, რადგან უკან დაბრუნების უფლებას არ მისცემენ.
მოქალაქეებთან შეხვედრის უფლებას არ აძლევენ “ნაციონალური მოძრაობის” წევრს. მიუხედავად იმისა, რომ უმაღლესი საბჭოს დეპუტატს კანონით შესვლის უფლება აქვს ელგუჯა ბაგრატიონი პოლიცილებმა ტერიტორიაზე არ დაუშვეს.
ინფორმაციისთვის, ერთ წელზე მეტია უსახლკაროები ყოველკვირეულად აქციას მართავენ, თუმცა მათი პრობლემებით ხელისუფლება ამ დრომდე არ დაინტერესებულა.
“როგორც ცნობილია მუნიციპალიტეტს აქვს მიღებული წესი უსახლკაროთა შესახებ. აჭარის მთავრობასთან ერთად, ჩვენ ვღებულობთ ყველა შესაძლო ღონისძიებას, რათა შემდგომ ეტაპზე მთავრობასთან ერთად მათი მოთხოვნები დავაკმაყოფილოთ. ავარიული სახლების პროექტის განხორციელების შედეგად, მერიას ჭარბი საბინაო ფონდი გაუჩნდება, რის საფუძველზეც სხვადასხვა კატეგორიის მოქალაქეს ბინას გადავცემთ. არცერთი მოქალაქე, მომდევნო წლებში არ იქნება საცხოვრისის გარეშე,” – განუცხადა ბათუმის მერმა AJARATIMES.GE-ის.
