ბათუმში მოქმედი თითქმის ყველა უმაღლესი სასწავლებლის სტუდენტები გაიფიცნენ. დილიდან ქალაქის ქუჩებში ახალგაზრდების მარში მიმდინარეობდა. სტუდენტები მსვლელობით საზღვაო აკადემიისა და ბსუ-ში მივიდნენ.
მსვლელობისას სტუდენტებმა ლექტორ-მასწავლებლებს გაფიცვისკენ მოუწოდებდნენ. მათ შორის ისინი ბსუ-ს შენობაში სკანდირებდნენ “გამოდით!”.
“მოლაპარაკებები მიმდინარეობს გაცდენილი სემინარების აღდგენაზე, ყველა უნივერსიტეტთან. ამჟამად ბათუმის შოთა რუსთაველის სახელმწიფო უნივერსიტეტის ადმინისტრაციამ, პირობა დადო გაცდენილი ლექციების, სემინარებისა და გამოცდების აღდგენაზე. ვიბრძოლებთ ყველა უნივერსიტეტის სტუდენტებისთვის, “- განაცხადეს სტუდენტებმა საპროტესტო აქციაზე.
ინფორმაციისთვის: სტუდენტების საპროტესტო აქცია ხვალ, 10 საათზე განახლდება.
