საგამოძიებო მოქმედებების შედეგად, 1994 წელს დაბადებული, წარსულში ნასამართლევი ჯ.გ. გაუპატიურების ბრალდებით დააკავესამის შესახებ ინფორმაციას შსს ავრცელებს. უწყების ცნობით, დანაშაული 10-დან 13 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ ბრალდებულმა ქედის მუნიციპალიტეტში, შეზღუდული შესაძლებლობის მქონე პირთან, ძალადობის გამოყენებით სქესობრივი კავშირი დაამყარა, რის შემდეგაც შემთხვევის ადგილიდან მიიმალა.
“ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, სამართალდამცველებმა ჯ.გ. მოსამართლის განჩინების საფუძველზე ბრალდებულის სახით დააკავეს.
დამნაშავისათვის წინასწარი შეცნობით შეზღუდული შესაძლებლობის მქონე პირის მიმართ ჩადენილი გაუპატიურების ფაქტზე გამოძიება სისხლის სამართლის კოდექსის 137-ე მუხლის მე-3 ნაწილით მიმდინარეობს,” – წერია უწყების მიერ გავრცელებულ ინფორმაციაში.
შშმ პირის გაუპატიურების შესახებ ინფორმაცია გუშინ, “აჭარა თაიმსმა” გაავრცელა. ადგილობრივების თქმით, 24 წლის, მოძალადე კაცი სოფელში დასასვენებლად, ნათესავთან იმყოფებოდა. შეთხვევის დროს 35 წლის ქალი სახლში მარტო იმყოფებოდა, შესაბამისად მისი დახმარება ვერავინ შეძლო.
[embedyt] https://www.youtube.com/watch?v=Q-w5BuAiW1A[/embedyt]
