„დინამო ბათუმმა“ ეროვნული ლიგის 33-ე ტურში „რუსთავი“ დაამარცხა და საჩემპიონო რბოლისთვის უმნიშვნელოვანესი სამი ქულა მოიპოვა.
შეხვედრის პირველი ტაიმი ორი გუნდისთვის საშუალო გამოდგა, სახიფათო მომენტები მასპინძლებსაც და სტუმრებსაც ჰქონდათ, მაგრამ მათი გოლად გარდაქმნა ვერცერთმა ვერ შეძლო.
მეორე ნახევარი კარგად დაიწყეს „რუსთაველებმა“ და მატჩის 55-ე წუთზე გოლიც გაიტანეს. „თოლიები“ მატჩში შემოტრიალებას მთელი ძალით ცდილობდნენ.
ანგარიშის გათანაბრება მე-80 წუთზე, წარმატებით შესრულებული 11-მეტრიანით ნიკა კალანდარიშვილმა შეძლო, ხოლო გამარჯვების გოლი 90+2 წუთზე უერდი მარამ გაიტანა.
33-ე ტურის შემდეგ „დინამო ბათუმი“ ეროვნულ ლიგაში 62 ქულით მეორეა და მხოლოდ ერთი ქულით ჩამორჩება ლიდერ „იბერია 1999“-ს. მომდევნო შეხვედრას კი „ბათუმელები“ 27 ნოემბერს „დილას“ წინააღმდეგ გამართავენ.
ავტორი: დიმიტრი გორგილაძე

