“ნაციონალური მოძრაობა” ბრიფინგით “ქართული ოცნების” წინასაარჩევნო შეხვედრას გამოეხმაურა, რომელიც გუშინ, ბულვარში გაიმართა. ლევან ანთაძის თქმით, გაუგებარია რას სთავაზობს მმართველი პარტია სოციალურად დაუცველებს.
გარდა ამისა, ოპოზიციონერი ამბობს, რომ “ოცნებას” ყურადღება არც კორუფციის აღმოფხვრის მნიშვნელობაზე გაუმახვილებია.
“გუშინ ჩვენ ვიხილეთ ბიძინა ივანიშვილის გამოსვლა, რომელიც მიმართული იყო აჭარის რეგიონზე. სანახაობის საყურებლად უამრავი ადამიანი მოიყვანეს: საჯარო მოხელეები, სკოლის მოსწავლეები, სკოლის მასწავლებლები, ბაღების მოსწავლეები მაგრამ სამწუხაროდ, ჩვენ ვერ გავიგეთ მისი მიმართვა, იმ 152 ათას ადამიანისთვის, რომელიც სოციალურ დაუცველთა ბაზაშია. ვერ გავიგონეთ მისი მიმართვა, 24 ათას ბავშვს ეხებოდა, რომელიც შიმშილის ზღვარზე იმყოფება. ვერ გავიგონეთ მიმართვა იმ ასიათასობით ადამიანზე, რომლებსაც ქვეყანა დატოვები აქვთ და ტრაგედია ბავშვები მშობლების გარეშე იზრდებიან. ასევე, ვერ გავიგონეთ კორუფციაზე ერთი სიტყვაც კი, რომელსაც ბათუმში ვხედავთ ეს არის: ჩაბეტონებული ბათუმი და უსახული კორპუსების მშენებლობა. ბათუმი ფატიურად ბეტონის კეტოდ გადაქცეულია, ამიტომ მინდა ვუთხრა ბათუმელებს და იმ ადამიანებს, რომლებიც თუნდაც ამ შეხვედრაზე იმყოფებოდნენ, 26 უნდა დავასრულოთ ეს ხელისუფლება და წავიდეთ ევროპისკენ, ევროპული განვითარების გზით. დასაბრუნებელი გვყავს ჩვენი ბათუმელები, ნათესავები, მეგობრები და მათთან ერთად ასაშენებლი გვაქვს ეს ქვეყანა”,- განაცხადა ლევან ანთაძემ ბრიფინგზე.
