შინაგან საქმეთა სამინისტროს ინფორმაციით, აჭარაში ინტერპოლის წითელი ცირკულარით საერთაშორისო ძებნილი, თურქეთის რესპუბლიკის მოქალაქე დააკავეს.
უწყების ცნობით, პირი თურქეთის სამართალდამცავი ორგანოების მოთხოვნის საფუძველზე იძებნებოდა. მას სხვადასხვა კატეგორიის დანაშაულის ჩადენა ედება ბრალად, მათ შორის თაღლითობა, სხეულის დაზიანება და მუქარა.
ძებნილი პირი ჩატარებული საგამოძიებო მოქმედებების შედეგად აჭარაში დააკავეს.
შსს-ს ცნობით, დაკავებულის მიმართ ამჟამად კანონით გათვალისწინებული საექსტრადიციო პროცედურები მიმდინარეობს.
