სასტუმრო “შერატონში” გამართულ აქციაზე პოლიტიკური პარტიების წარმომადგენლები, რიგითი მოქალაქეები და სამოქალაქო აქტივისტები იმყოფებოდნენ და კადრების გასაჯაროვების მოთხოვნით პროტესტი გამოხატეს. აღნიშნული კადრები ასახავს ინციდენტს, რომელიც რამდენიმე დღის წინ მოხდა.
როგორც გიორგი გახარია და ზვიად ქორიძე ამბობენ, მათ თავს “ქართული ოცნების” წევრები, დიმიტრი სამხარაძე და გიორგი მანველიძე დაესხნენ. აქციის მონაწილეები სკანდირებდნენ “კადრები გაასაჯაროვეთ!” და პროტესტის ნიშნად სასტვენებით გამოხატავდნენ თავიანთ უკმაყოფილებას.
მიუხედავად მათგან გახმოვანებული მოთხოვნებისას, სასტუმროს მენეჯმენტი არ გამოვიდა შეხვედრაზე, ასევე, არ უპასუხეს შეკრებილების კითხვებს. აქციის მონაწილეებმა სასტუმროს შესასვლელი ჰოლი დაიკავეს, რის შემდეგაც ადგილზე პოლიცია მივიდა.
როგორც პოლიციამ განმარტა, შეტყობინება სასტუმროს ადმინისტრაციიდან შევიდა. სამართალდამცავებმა მოითხოვეს ტერიტორიის დატოვება, რასაც აქციის მონაწილეები დაემორჩილნენ და ადგილი დაახლოებით ერთი საათის შემდეგ დატოვეს.
აქციის მონაწილეები სასტუმროს მენეჯმენტს ხელისუფლებასთან თანამშრომლობაში ადანაშაულებენ და აცხადებენ, რომ მათი მოთხოვნის მიუხედავად, სასტუმრო არ აპირებს ინციდენტის კადრების გასაჯაროვებას. ისინი გამოთქვამენ იმედს, რომ პროტესტი შედეგს გამოიღებს და სასტუმრო ყველა საჭირო ნაბიჯს გადადგამს ამ კადრების გავრცელების მიმართულებით.
ამ დროისთვის, შინაგან საქმეთა სამინისტრო არ ავრცელებს დამატებით ინფორმაციას, არიან თუ არა დაკითხულები ინციდენტში მონაწილე პირები. თავდასხმის შედეგად ზვიად ქორიძემ მცირე დაზიანება მიიღო, ხოლო გიორგი გახარიას ცხვირის ძვლები მოტეხილი და ტვინის შერყევა აქვს მიღებული.
https://www.facebook.com/ajaratimes/videos/1940341053128727/
