გაგაცნობთ ბათუმის საპროტესტო აქციების კიდევ ერთ მედროშეს – ზურაბ ჭავჭანიძეს, რომელიც ერთ თვეზე მეტია მარშებს სათავეში უდგას და დაუღალავად აფრიალებს საქართველოს ყოფილ და მოქმედ დროშებს, ასევე, ევროკავშირის დროშას.
„სამი დროშით ვარ წარმოდგენილი – წარსული, აწმყო და მომავალი,“ – ამბობს ზურაბ ჭავჭანიძე და აღნიშნავს, რომ „ევროკავშირი არის მშვიდობის გარანტი.“
„ზოგიერთს ჰგონია, რომ ერთი და მეორე პარტია ებრძვის ერთმანეთს, არა ხალხო! ახლა არის საქართველოს ბრძოლა გადარჩენისთვის,“ – აღნიშნავს ზურაბი.
„დღეს ყველა ახალგაზრდა გაღვიძებულია, მათ სურს ევროპული განათლება,“ – ამბობს მედროშე კაცი, რომელიც დარწმუნებულია, რომ საქართველოს გრძელვადიანი მომავალი ევროპაში ექნება.
„ცივილიზაცია იწყებოდა ყოველთვის საქართველოდან,“ – ამბობს ჩვენთან საუბრისას ზურაბ ჭურკვეიძე და დასძენს: „დარწმუნებული ვარ, რომ საქართველო იქნება გამარჯვებული.“
