მეთამბაქოეობის დარგის განვითარების კუთხით რას აკეთებს აჭარის სოფლის მეურნეობის სამინისტრო? უმაღლესი საბჭოს პლენარულ სხდომაზე ზაზა შავაძეს კითხვით ლევან ანთაძემ მიმართა. “ნაციონალური მოძრაობის” დეპუტატი დაინტერესდა თუ რა ტიპის ხელშეწყობა აქვთ ფერმერებს ამ მიმართულებით.
მინიტრმა სხდომაზე განმარტა, რომ დარგის სუფსიდირება ვერ მოხდება, რადგან საქართველო ჯანდაცვის საერთაშორისო კონვენციის ხელმომწერია.
“ჯანდაცვის საერთაშორისო კონვენციიდან გამომდინარე ხელისუფლებას აქვს ვალდებულება აღებული, რომლის თანახმადაც ფიზიკურად სახელმწიფოს არ აქვს უფლება მეთამბაქოეობის სუფსიდირება ან რაიმეს სახის ფინანსური მხარდაჭერა განახორციელოს. ჩვენ მაქსიმალურად ვცდილობთ ფერმერების მხარდაჭერას იმ კუთხით რომ, მათ ნაკვეთები დავუხნათ. არ ვანსხვავებთ არავის, ჩვენ ერთ-ერთი პროგრამის ფარგლებში ვხნავთ მიწას და ფერმერი თავად წყვეტს რა დარგოს საკუთარ ტერიტორიაზე,” – განაცხადა “აჭარა თაიმსთან” საუბრისას აჭარის სოფლის მეურნეობის მინისტრმა.
ინფორმაციისთვის: აჭარაში, მეთამბაქოეობას ძირითადად ქედის, შუახევისა და ხულოს მუნიციპალიტეტებში ეწევიან.
აქვე დაგაინტერესებთ: რა პერსპექტივები აქვს მეთამბაქოეობას და რატომ ვერ განვითარდა მაღალმთიანი აჭარისთვის დამახასიათებელი ტრადიციული დარგი?
