გარემოს ეროვნული სააგენტო ქვეყნის მასშტაბით მოსალოდნელი ამინდის პროგნოზს ავრცელებს. სააგენტოს ცნობით, 29-30 ნოემბერს საქართველოში უმეტესად უნალექო ამინდი იქნება, თუმცა პირველ დეკემბერს რიგ ადგილებში მოსალოდნელია წვიმა, ხოლო მაღალმთიან რეგიონებში – თოვა.
თბილისი
დედაქალაქში 29-30 ნოემბერს უნალექო ამინდია მოსალოდნელი. ჰაერის ტემპერატურა დღისით +13, +15 გრადუსის ფარგლებში დაფიქსირდება.
სანაპირო რეგიონები (ბათუმი, ქობულეთი, ანაკლია)
29-30 ნოემბერს თბილი და უნალექო ამინდი შენარჩუნდება. პირველ დეკემბერს მოიღრუბლება, გაწვიმდება და ტემპერატურა +14, +16 გრადუსამდე დაიკლებს.
დასავლეთ საქართველოს დაბლობი რეგიონები (ზესტაფონი, ქუთაისი, სამტრედია, ზუგდიდი, მარტვილი, ოზურგეთი, ფოთი)
29-30 ნოემბერს უნალექო ამინდია მოსალოდნელი, ხოლო პირველ დეკემბერს წვიმისა და ტემპერატურის შემცირების ალბათობაა. ჰაერის ტემპერატურა +13, +15 გრადუსამდე დაეცემა.
დასავლეთ საქართველოს მთიანი რეგიონები (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთი)
29-30 ნოემბერს თბილი და უნალექო ამინდია მოსალოდნელი. პირველ დეკემბერს შეინიშნება მოღრუბლება, წვიმა და უფრო გრილი ჰავა – ტემპერატურა +11, +13 გრადუსამდე დაიკლებს.
მაღალმთიანი რეგიონები (მესტია, ბახმარო)
29-30 ნოემბერს უნალექო ამინდი იქნება, ხოლო პირველ დეკემბერს ზოგან თოვაა მოსალოდნელი. ტემპერატურა +6, +8 გრადუსამდე დაიწევს.
ქართლი (რუსთავი, ბოლნისი, მარნეული, გარდაბანი, გორი, ცხინვალი)
29-30 ნოემბერს უნალექო ამინდი შენარჩუნდება. პირველ დეკემბერს ადგილობრივად მოსალოდნელია წვიმა. ტემპერატურა +14, +16 გრადუსით განისაზღვრება.
კახეთი (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო)
29-30 ნოემბერს მოსალოდნელია უნალექო ამინდი. პირველ დეკემბერს ზოგან გაწვიმდება. ტემპერატურა +15, +17 გრადუსს მიაღწევს.
აღმოსავლეთ საქართველოს მთიანი რეგიონები (ახალციხე, ბორჯომი, დუშეთი, თიანეთი, ფასანაური)
29-30 ნოემბერს უნალექო ამინდი განმეორდება, ხოლო პირველ დეკემბერს მოსალოდნელია წვიმა. ტემპერატურა +11, +13 გრადუსის ფარგლებში იქნება.
აღმოსავლეთ საქართველოს მაღალმთიანი რეგიონები (ახალქალაქი, წალკა, ბაკურიანი, გუდაური, ომალო)
29-30 ნოემბერს უნალექო ამინდია მოსალოდნელი, 1 დეკემბერს კი ზოგან მოთოვს. ჰაერის ტემპერატურა +3, +5 გრადუსამდე შემცირდება.
