დავით დევაძემ “ქართულ ოცნებას” 40 000 ₾არი შესწირა, მან მმართველი პარტიას გასულ წელსაც ჩაურიცხა ფული – 50 000 ₾არის ოდენობით. დევაძე ბათუმის საკრებულოს ყოფილი წევრის, ნუკრი დოლიძის ბიზნეს-პარტნიორია, მათმა საერთო კომპანიამ „ბონდი-2009” 2023 წელს, 35 მილიონ ₾არზე მეტი ოდენობის ტენდერი მოიგო.
დევაძე და დოლიძე რამდენიმე კომპანიაში ბიზნეს-პარტნიორები არიან. (შპს „ფიშ პოინტი“, შპს „მეთევზეთა გაერთიანება“ და „შპს ბონდი-2009“) “საერთაშორისო გამჭვირვალობა საქართველოს” ცნობით, „ბონდი-2009“-ს 2012 წლიდან 190 მილიონ ₾არამდე ღირებულების ტენდერი აქვს მოგებული და 800,000 ₾არზე მეტი გამარტივებული შესყიდვის კონტრაქტები მიღებული, ხოლო ამ კომპანიის პარტნიორებს „ქართული ოცნებისთვის“ საერთო ჯამში, 270,000 ₾არი აქვთ შეწირული.
სახელმწიფო აუდიტის დასკვნის თანახმად, „ბონდი 2009” ტენდერებს უკონკურენტო პირობებში იგებს.
დავით დევაძე შპს “ბონდ ბილდინგი”-ის დირექტორია, რომლის 80% მფლობელი შპს “ბონდი-2009” არის.
საყურადღებოა ის ფაქტიც, რომ “ოცნებას” დავით დევაძესთან ერთად, ფული ბიზნეს-პარტნიორმა, ოთარ ფუტკარაძემაც შესწირა. აღნიშნულმა პირებმა მმართველ პარტიას თანხა გასულ წლებშიც ერთდროულად ჩაურიცხეს.
ინფორმაციისთვის: „ბონდი 2009” აჭარაში, მსხვილ ინფრასტრუქტურულ პროექტებს ახორციელებს, სამუშაოების უმეტეს ნაწილს კი უხარისხოდ და ვადების დარღვევით ასრულებს.
