ბათუმში, უკვე 43-ე ღამეა, რაც მიმდინარეობს აქცია, თუმცა დღეს შედარებით სხვა ფორმით გაიმართა პროტესტი. ამჯერად, აქციის მონაწილეები ხმაურისა და სასტვენების გარეშე გამოვიდნენ ქუჩაში. მათი ემოცია მიმართული იყო სამძიმრისა და სოლიდარობისკენ.
დღევანდელი აქცია დაკავშირებული იყო მტკივნეულ ტრაგედიასთან, რომელიც ოკუპირებულ აფხაზეთში, სოფელ საბერიოში მოხდა – ხანძრის შედეგად ხუთი ბავშვი დაიღუპა. საქართველოში დღეს გლოვის დღეა. მოქალაქეებმა აჭარის მთავრობასთან სანთლები დაანთეს და ამ ფორმით პატივს მიაგეს გარდაცვლილებს.
აქციის მონაწილეები აცხადებენ, რომ პროტესტის მთავარი მიზანი კვლავ უცვლელია — პატიმრების გათავისუფლება და არჩევნების დანიშვნა.
https://www.facebook.com/ajaratimes/videos/1040524741263991/
